Çfarë na mëson Bibla për paranë (4)
3. prill e enjte
“Por secili do të japë nga pjesa e tij” Ligji i Përtërirë 16:17
Kur vjen puna tek të dhënët, ja dy të vërteta që Bibla na mëson për paranë: (1) Perëndia nuk pret që ne të gjithë të japim të njëjtën sasi. “Por secili do të japë nga pjesa e tij sipas bekimit që Zoti, Perëndia yt, të ka dhënë” (vargu 1). Pali shkruan: “Sepse, në qoftë se ekziston gadishmëria për të dhënë, ai është i mirëpritur sipas asaj që ka dhe jo sipas asaj që nuk ka” (2 Korintasve 8:12).
(2) Perëndia do të të kërkojë të bësh sakrifica për të përmbushur qëllimet e mbretërisë së Tij në tokë. Në mënyrë për të hequr gjykimin e Perëndisë që ishte mbi popullin, mbreti David u udhëzua: “Shko dhe ndërto një altar për Zotin në lëmin e Araunahut, jebuseut" (2 Samuelit 24:18). Kur Araunahu e pa Davidin që po vinte, ai ja ofroi tokën falas. Por Davidi tha: “Jo, unë do t'i blej këto gjëra nga ti me çmimin që kushtojnë, dhe nuk do t'i ofrojë Zotit, Perëndisë tim, holokauste që nuk më kushtojnë asgjë”. Kështu Davidi bleu lëmin dhe qetë për pesëdhjetë sikla argjendi. Pastaj Davidi ndërtoi në atë vend një altar për Zotin dhe ofroi holokauste dhe flijime falënderimi. Kështu Zoti mori parasysh lutjen e bërë nga vendi dhe mjerimi u largua nga populli i Izraelit” (vargjet 24-25).
Perëndia nuk na kërkon që të japim në mënyrë të barabartë, Ai na kërkon të sakrifikojmë në mënyrë të barabartë. Dhe ja lajmi i mirë: Në anën tjetër të çdo sakrifice që Perëndia të kërkon të bësh për Të, aty të presin bekimet dhe shpërblimet e Tij.
